اتغرقه في البحر ايطلعلك في فمه حوتة
احترم بوك ولو كان صعلوك
اسرق وصدق يا عدو الله
اشري لولدك خال
اضرب النقص تجي انت والحق سوا
البحر ديما يبي زيادة
البصيص ولا العمى
البطن تجيب الصباغ والدباغ
البير الحلو ديما نازح
البير اللي تشرب منه ما ترمي فيه حيطة
التفرجة تطول العمر
التمر ما يجيبنه مراسيل
الجدي يعلم أمه الرضاعة
الجعان يمضغ الحيط
الجمل بعد يطيح يكثرن سكاكينه
الجمل ما يشوفش عوج رقبته
الحرة تغزل بكراع الحمار
الحسد عند الجيران والبغض عند القرايب
الحي في التفكير والرب في التدبير
الحيا في الرجال يورث الفقر
الحيطة الواطية ينقزن عليها الكلاب
الخبر يجيبنه الحطابات
الخرسة خذوا راجلها تكلمت
الخلخال يرن والمصران يزن
الخميرة قبت والعجينة انكبت
الدلاعة ما تكبر إلا في عشبتها
الدم عمره ما يبقى شراب
الرايب مايردش حليب
السبع بعد يكبر يبقى ملعبة للقرود
الشاطرة تقضي حاجتها والخايبة تنده جارتها
الصقر له همة ايموت من الجوع وما ينزل على رمة
الصيف بو راقد الريح
الضحك ساعة والبكا مشوار
الضربة اللي ما تكسر العظم تقويه
العرق دساس
العقرب اخت الافعى
العلم في الراس مش في الكراس
العمى قال للعور كاس العمى مر قاله نص الخبر عندي
العيب من صاحب العيب موش عيب
العين بصيره واليد قصيره
العين تكسر الحجر
العين ما يملاها غير حفنة تراب
الغالي سعره فيه
الغايب كشيكه معلق
الفار السمين من حظ القطوس
القديمة تحلى ولو كانت وحلة
القرد في عين امه غزال
القوم تنسى اخيارها
الكذب إن كان عشاك ما يغذيك
الكذب حبله قصير
الكلام كيف حبل الصوف كل ما تشده يتمرن
اللقمة الهنية تكفي مية
اللوح قال للمسمار فلقتني قاله من الدق اللي على راسي
اللي بيده ربي يزيده
اللي تخدمه طيعه واللي ترهنه بيعه
اللي تديرها العمشة ياكلوها ضناها
اللي تنقطع وذنه في الحق ما يتسماش عكروت
اللي عضك وقضك لسنونه
اللي عقبه خوه ما ذل
اللي عقبه خيه ما ذل
اللي ما تشوفها العين واعرة
اللي ما تقسم اتطيح من بين ايديك وفمك
اللي ما عنده شاهد كذاب
اللي ما عندها كرعين ما عندها عليش تصبي
اللي ما فيدك اتكيدك
اللي ما ياكل بيده ما يشبع
اللي ما يبكي خانقته العبرا
اللي ما يبكي خانقته العبره
اللي ما يخربه عقله ما يخربوه الناس
اللي ما يشري ايتفرج
اللي ما يعرف الصقر يشويه
اللي من نصيبك تصيبك
اللي يبدلك بالفول بدله بقشوره
اللي يحط روحه في النخالة يبربشه الدجاج
اللي يحق قمح الناس ما يبدد شعيره
اللي يحل فمه يخشله الذبان
اللي يدير روحه قنطره ايتحمل الدوس
اللي يسلف السبت يلقى الاحد
اللي يقعد في الدار يعطي الكرا
اللي يكثرن بناته يناسب بيهن القرود
اللي يكرهك يحلملك الحلمة الشينة
الليل بوذيناته والنهار بعويناته
المال السايب يعلم السرقة
المال يدير في المالح طريق
المال يمشي والرجال اتجيبه
المتفرج اسطا
المقهور عمره طويل
الموت يجي على اهون الاسباب
النسب كيف الحليب أبسط حاجة تعكره
النشدة تدل الذاهب
النعجة الصياحة ما يسرقوش ضناها
الهم ما يقتلش غي ايخلف
الوجه اللي تقول بيه قابل بيه
اليد اللي ما تقدر تعضها حبها
املا البطن تستحي العين
انصح الجاهل يعاديك
ايسيب اللي ذبح ويمسك اللي سلخ
ايش زرك عالمر قال اللي أمر منه
ألعب وحدك ما تشك
أول الطريق ولا كمالها
آخر الطب الكي
باع الموالف وشرا المخالف
بعد شبع قال مالح
بعد ما شاب خش الكتاب
بعد ما شبع قال سامط
بيع الذهب واشري العتب
تبع البومة تشيلك للخرابه
تخاف من الخنافس وتلعب بالافاعي
تشكيلي نبكيلك
تقول يزروا فيه على شهادة زور
حبال السو طاحن في البير
حتى البحر يبي الزيادة
حتى الحديد ايبيد
حتى وهي مريضة ما تنسى القريضة
حرك بالعود واسقي مسعود
حسدوا العمى على طول عصاته
حق ناس ياخذوه ناس
حمارك ولا جمل بن عمك
حمرةً في الوجه ولا غصةً في القلب
حمل الجماعة ريش
خبزة الشرك ما تطيب
خرافة أم بسيسي
خلط شعبان في رمضان
خلق الله البلاء وخلقله هله
خنقة الكلب خير من قتلته
دار السبع قعدت ملعبة للقرود
راسين في شيشة
راقد الريح ينبحن عليه كلاب السبخة
رخص الحرير نين نزلوا بيه وذان القدور
رزق الحرام يخش على رزق الحلال ياخذه ويطلع بيه
رزق الحلال يرق وما ينقطع
زر كلبك عالساس يعضك
زيتنا في دقيقنا
زيد اميه زيد دقيق
سبحان الخالق الناطق
سكر دارك ولا تخون جارك
سلف السبت تلقى الاحد
شاوره وما تعباش عليه
شروط النسيب الكاره
صاحب بوك خير من صاحبك
صوابعك مش كيف بعضهن
ضربه في راسه طارن شلايكة
طعامك ما جاني ودخانك عماني
طعامك ما جاني ودخانك عماني
طول السلك يودر لبرة
عارف ما في الديك قلعله سنونه
عتب ونواصي وبعض من الذريه
عرقوبها جلاب
عصفور في اليد ولا صقر حايم
علمناهم الشحاتة سبقونا عالجوامع
علموه الصلاة سبقهم عالجامع
على طول فراشك مد كرعيك
على قد غطاك مد كرعيك
على مهلك توصل هلك
عمايم على بهايم
فقر وعنطزة
فقير بلا دين غني
قلة المعرفة كيف قلة الخير
كإنك يا بو زيد ما غزيت
كحل في عين عورة
كل جغمة تبل الريق
كل ساعة بفرجها
كل سيد عنده سيد
كل شاه معلقة من عرقوبها
كل عتبة تنادي صاحبها
كل لقمة تنادي صاحبها
كلام الليل مدهون بالزبدة
كلمة الحق وجاعه
كلمة السو تمشي وتصبي نين توصل صاحبها
كيف اقراية اليهود ثلثينها كذب
كيف الخنفوسة لا تاكلها لا تلعب بيها
كيف اللحمة المعفنة لا اتعرى لااتورى
كيف النخلة العوجة ترمي على بره
كيف عزايز الفرح وكال وقرمة
كيف ما يجيك الزمان تعالٌه
ما تعاشروا اثنين نين جا الكيد عالآخر
ما تعرف خيري نين تجرب غيري
ما تمسح دمعتك إلا يدك
ما كحلت العمشة نين فاتها العرس
ما يبوا الحدايد إلا للشدايد
ما ينفع في البايد ترقيع
مريض متكي على ميت
مش كل من ركب حصان فارس
مشت تاخذ بثار بوها ردت حامل
من زبيبة يسكر
نجوم السماء أقربلك منه
نزول البلاء ولا مراجاته
نص الطريق ولا كمالها
نص المعيشة دباره
هبلة وحصلت سبلة
هي هنا وصياحها في الوادي
وراه النجوم في عز القايلة
ولد الفار يطلع حفار
وين تطيب النية الحوش ياسع مية
وين ما تحط نفسك تلقاها
وين يشبع الحمار يطرطش علوقه
يبرى المريض وينسى جميل المداوي
يتطاير كيف القمحة في الحماس
يتعلم الحسانة في روس اليتامى
يسف في الملح ويقول سكر
يشيلك للوادي ويردك عطشان
يعد سنون الكلب وهو ينبح
يغرق في شبر اميه
يغنيلها وهي طرشة
يفصل في الزناقي ويخيط في الشوارع
يكمل النهار في نفخ النار
يموت الزمار ويده تلعب